Loraldi eta Euskal Herriko Unibertsitatea elkartu dira Sormen Ola sortu dute: euskal kultura gazteen artean transmititzeko programa bat.

Joan den urtarrilaren 25ean, Loraldiak eta Euskal Herriko Unibertsitateko Kultura Sailak “Sormen Ola” ekimenaren berri eman zuten. Ekimena 16 eta 29 urte bitarteko gazteei zuzendutako tailerren programa da, eta euskal kulturaren transmisioa du helburu.

Programa hilean behin egingo da, larunbat goizetan eta saio trinkoen formatuan, UPV/EHUko Bizkaia Aretoan. Horrela, astegunetan denborarik ez dutenek edo Bilbotik kanpora joan daitezkeenek ere izango dute horretarako aukera.

Gaiak monografikoak izango dira, eta urtarrila eta maiatza bitartean sormenaren hainbat alor jorratuko dira: dantza, musika, arte eszenikoak, literatura, ikus-entzunezkoak eta hitza eta irudia. Besteak beste, Jon Mayak, Patxo Telleriak, Joseba Sarrionandiak, Paul Urkijok eta Miren Amurizak eskaini dituzte.

EHUkulturaren ekimenez, izen-ematea doakoa izango da Bizkaiko campuseko ikasleentzat. Saio bakoitzak 15 euroko kostua izango du gainerako parte-hartzaileentzat.

Gazte ekimena

Loraldiak duela urtebete jarri zuen martxan Loraldi Gaztea ekimena, eta hortik abiatuta sortu zen Sormen Ola. Loraldia Gazteak gazteen artean euskal kulturaren transmisioa zabaltzea, belaunaldi honen artean kulturarekiko zaletasuna sustatzea, gazteak erreferente diren kultur profesionalekin harremanetan jartzea eta sormena eta irudimena bultzatzea du helburu.

Ildo horretako lehen ekimena Udako Ola izan zen, iazko udan garatua, sortzaile eta gazte sortzaileentzako egoitza sortzailea.

Egonaldi horretan 12 gaztek aukera izan zuten 6 egunez sormenaren hainbat arlotan erreferentziazko profesional espezializatuekin lan egiteko eta esperimentazioaren bidez sortzaile izatea zer den ikasteko eta bizitzeko.

Amaia Ocerin (Loraldikoa), Gorka Moreno (Euskal Herriko Unibertsitateko Bizkaiko Campuseko errektoreordea) eta Patxo Telleria (sortzailea eta Sormen Ola-ko saioak eskainiko dituen profesionaletako bat) batera izango dira Sormen Olaren aurkezpenean.

Amaia Ocerinek Loraldiaren izenean adierazi duenez: “Loraldiak konpromiso sendoa du gure kulturaren transmisioarekin. Eta, zalantzarik gabe, belaunaldi gazteengan jarri behar dugu arreta handiena. Haiek dira eta izango dira sortzaile berriak eta kulturaren kontsumitzaile publikoa orainean eta etorkizunean. Prestakuntza eskaini nahi diegu, esperimentatzeko aukera eta proposamen kultural berrienez gozatzeko eta beren sorkuntzak eskaini ahal izateko gune bat”.

Gorka Morenok, UPV/EHU Bizkaiko Campuseko errektoreordeak azpimarratu du: “Sormen Ola proiektua gizartearekiko lankidetzaren adibide argia da; izan ere, gure ikasleak modu aktiboan parte hartzen du hainbat arlotan kultura-sorkuntzan”.

Eta Patxo Telleria sortzaileak eta saio hauetako parte hartzaileetako batek adierazi du, “honelako ekimenak guztiz beharrezkoak dira. Sortzaile bilakatu nahi diren gazteek beharrezkoa dute trebatzea eta esperimentatzea. Aurreko udan izan genuen esperientzia oso aberasgarria izan zen eta etorkizunean modu profesionalean arituko direnak hemendik sortuko dira”.